2015/12/17

sa pagsulat ko niini
gibati nako nga ako usa
ka tipak lamang sa bato

sa unahan naibog ko
sa it-it nga mitugdong
sa lukay sa lubi tupad
sa gahitik nga mga bunga

gibati ko ang kamingaw
ang hangin nagpunay og
labay labay
unya ang kanding nagisigig
pangayog tabang kay nagaid
sa iyang kaugalingong pisi
diha sa punoan sa pitogo
sa daplin sa baybayon

human ko kini masulat 
usa gihapon ako ka tipak
nga bato nga wala nay
tipik diha kanimo

Panginhas dire