2015/12/15

kabahin sa awit sa tamsi didto sa sanga sa bayabas

lahi sab
si celine dion

o kaha ba si
nora aunor

ayaw kog ingna
nga baduy

namati sab kong
taylor

pasryos pog gani
gamay
ni  pavarotti
og ni 
adele

bisan gani kadtong
gahikog nga
si ian curtis

pero
mao poy ako

mas nindot gihapon
pamation

ang tamsi nga
miawit
sa sanga sa
bayabas

ang akong
kasingkasing
sa kilid sa
bentana

mikuyog og
lupad

misayaw ang
akong kalag

nunot sa mga
unod sa lawas

Panginhas dire