2015/12/20

kumusta ka na
maoy unang masulti
sa kaniadto uyab nimo
nga naminyo na
usab ug lain

unom baya pod mo
ka tuig
nga naghagwa sa
sa pipila ka
domingo samtang
silang tanan
nanimba

likod sa pultahan
kilid sa bongbong
didto's kamalig
ibabaw sa binakid
nga humay

kumusta ka na?
ang iyang tubag mao
ang hilaw kaayong
pahiyom

kon mahiwa pa lang
ang iyang kasingkasing
imong liplipan og
tilawan
sus, pagkapait
pagkaaslom!

Panginhas dire