12/27/2015

away sa magtiayon

kon sila kuno
ang mag-away

walay gamitay
anang peste og yawa

di lang kuno
sila magtingganay
wa say
nilabayay og
plato
dako man o
gamay


kay ang pait nga
pulong
og hait ba hinoon
kon mabungat
dili na gyod
malukat

kon mahimo gani
sa kainit sa
panahon sud sa
balay
mogawas una
dayog pamaypay


kon bugnaw na ang
utok
ayha pa mobalik sa
sulod

wa gihapoy tingganay
kay kapoy ang away.

No comments :

Post a Comment

Lami ba?