2015/12/09

kon nganong dili na ako ganahang mosulat og balak alang sa gugma

kon mosalop na ang adlaw
unya wala ang bulan og mga bitoon
dayon ang imong lawas morag gibunalan
sa mga pintol sa tumang kakapoy
sa dihang ang imong mga mata mipiyong na
sa misuyop nga ginhawaan sa katulugon
dili mo na mahunahunaan pa ang kabahin sa
gugma

gipangita mo ang hardin nga malinawon
diin ikaw mahinanok sa katulugon
maglawig ang mga oras sa ilang kaugalingong
panaw

nga wala ka.

Panginhas dire