12/01/2015

ang kahaw-ang wala miabot
sa kanunay kini nagpabilin sa iyang
higdaanan

diin ka mihigda didto sab siya
diin ka  milingkod didto sab siya sa
imong tiilan nga unta mahimo man

kining imong sikaran apan sama sa
nahitabo sa uban nga sama kanimo
imo man hinoon kining gitukoy sama

sa itoy imong gihimas sa imong tiil
og busa dako usab ang iyang gana diha
sa wa mo paghingilin

ang kahaw-ang ania kanunay nga nagpuyo
sud sa lawak sa imong dughan
hangin nga mipuno sa imong kasingkasing

sa kadugayan ikaw og ang kahaw-ang
nahimong usa diha sa kalibotan mong
nag-inosara

mahagiton manggialamon, lig-on
nga mitindog sa gahom diha sa
kawanangan nga walay utlanan

No comments :

Post a Comment

Lami ba?