12/01/2015

wala na ako niana.

managlahi ang atong
kalibotan
maong nagpista ko
sa akong
kaugalingong kahilom

diha sa kahilom anaa
ang imong pagtoo nga
ako namati kanimo nga
nagpahungaw sa init nga
aso sa imong mga
kahigwaos sa kinabuhi

kay kuno mao kini og
kana
ug kadto og kini og kaha
apil na man gani ang mga
kaniadto og karon 
og ang mga ugma nga
walay kataposan

mga platitong nanglupad
mga basong wa nay lubot
mga agipo sa nasunog nga
kagahapon

ako makamaong molingaw
sayod ka
nga sa imong kasakit diri
sa ako sang kangitngit
unsaon mo usab kaha
pag-aninaw kining akong
mga matang galiraw-liraw?

mao, mao, mao-mao, mao
kini mao kadto, basin seguro,
unsa pod kaha no?

pasayloa apan sa imong
pag-iyak dili ko matunol ang
panyo

wala na ako niana, sa tinood lang
bukag na intawon kining 
akong kalibotan

No comments :

Post a Comment

Lami ba?