3/27/2015

alang Kanimo

daghang dili angay kanato
nga gihatag
ug daghan sab ang para kanato
apan wala gihatag

kita ang mga walay
kahibalo
tigdawat lang
tigbagotbot usahay
tigtagay sa kalipay

sa akong bahin
gidawat ko lang ang tanan

ang nagpabiling pag-ampo
lamang
mao kini: kay ikaw ra man ang
nasayod
wala kanako ang paghukom
kon ikaw sayop
o kon ako ba ang husto

apan sa kanunay
daghang salamat

No comments :

Post a Comment

Lami ba?