2015/03/05

panagtagbo usahay

ang duha ka
nagkasabot naghangyoay
lamang diha
sa kahilom

pagkahuman niini
miabot sila sa lugar
diin ang pultahan
miabre
dayon sama sa
mga bintana
dayog panirado

ang katre mihay-ad
mipadayag ang
banig
nawala ang habol

nahitabo ang
wala nila handuma
nakita nilang duha
ang gisangpit
nga bathala

pagkahuman
nagsul-ob na usab sila
sa ilang mga sapot
gihapnig ang ilang
mga buhok
gihapsay ang mga kum-ot
dayon nilag biya sa
maong balay

wala nila mahibaw-i
kon asa nagpuyo ang
ugma
ug unsay gayod ang
iyang tinood nga
ngalan

Panginhas dire