3/27/2015

kon nganong nagpadayon ang pakigsandurot sa balak

wala ka nay kadangpan
kadtong kabayo
misipa nimo
kadtong kabaw
manungag na man
kadtong iro
siging aw-aw

wala ka nay kaadtoan
gisirad-an na ang nataran
dili na makita ang
ganghaan

gisugdan na ang
pakighinabi sa baba og
anino
natun-an na ang
karinyo
ang walang kamot
mihaploy sa too
ang mga mata
wa na misupak sa
mga tiil

karon ang imong
bugtong
nga higala mao na
lang gayod
ang imong balak

No comments :

Post a Comment

Lami ba?