3/13/2015

awit sa patay

nahuman na
mao kana ang sugod nga linya
nahuman na gayod
mao kana ang apasumpay
nahuman na gayod ang tanan
dili pa kana ang kataposan
nahuman nahuman nahuman na
gibalikbalik pa
nahuman na ang kasakit
ang pag-antos
nahuman na ang pagdaogdaog
nahuman na ang sugilanon
karon dayungan ka na 
isulod balik sa dakong bangag
sa yuta
tabonan dayon pagabutangan sa
bulak
og biyaan.....

sa naandan
ang imong ibawos mao lamang ang 
naandan mong pagpakahilom

kaming nahibilin balik usab sa 
sulundon nga buluhaton

wa mi masayod kon asa ka na karon
kon ikaw nag-iyak pa ba gihapon o
nagsugod na sa usa ka pahiyom

No comments :

Post a Comment

Lami ba?