3/11/2015

tambag alang sa napakyas sa gugma

ayaw anang
inom og tuba o
tanduay
o kutir

mogasto ka pa
dugang sa imong
kasakit? madoblehan
ka unya

larga lang sa siquijor
dili sa ingon nga didto imong
ipadaot ang
animal

adto didto pahuraray
sa puting balas
atbang sa pikas isla sa
aliguay

lantawa ang mga anino
sa kahaponon
luyo sa mga bungtod silong
sa mga kahoy
silong sa langit

ialugnan mo ang imong
mga bukton
samtang ikaw naghayang
tutok sa mga kagilak sa
mga bitoon

kon mahimo ipalabay ang
mga kagabhion
sama sa pangpanglaba
pagsabon kusokuso
hayhay sa imong mga
bulingon

moabot ra ang usa ka
kabuntagon unya molantaw kas
iyang larawan nga imong
gitagoan sulod sa imong
pitakang morag lapalapa
nga giagit-it nas daghang
buling

o di ba, lantawa og balik
makatawa ka lagi og moingon
bali no? nganong dugay man
ko nakalatas nimo
kaniadto?

No comments :

Post a Comment

Lami ba?