3/12/2015

alang sa anak ni B.

midako na ang
bayongbayong
nausob na ang
plastada sa iyang
pinahapay
pinatuybo morag
iyang buhi
ulitawo na gyod
kuno siya
mahimo na
siyang mouli
sa sabakan sa
kaadlawon
mogawas sulod
sa baba sa iyang
atay

ang wa niya
masayri mao
nga sa matag
dagan sa mga
kamot sa orasan
siya na lang
gayod ang
mokisaw sa
iyang kaugalingong
lam-aw
mobugsay sa
iyang kaugalingong
sakayan
mopatula sa iyang
sunoy
mohipos unya
puhon sa mga piso
sa iyang
inaan nga naglumlom
ngadto sa
pugaran

sa hamubong
pagkasulti
bahala na siya
sa iyang
kinabuhi...

No comments :

Post a Comment

Lami ba?