pagbahin sa star apple

kining dako ug hinog kaayo
ako
kining gamay og medyo hilaw
imo

walang kamot
kamot nga too
mao ang tighawid
og tigbahin

matang abtik
utok nga bintahoso

kining walang kamot
naghawid sa dako og hinog
ako kini

ang dako og hinog nga bunga
ania sa akong toong kamot
karon

imo na karon ang walang kamot
ihatag ko ang gamay og hilaw
diha kanimo

managsilingan kita
mag-angay gayod kita
aron walay sakit sa buot
aron hapsay ang atong
panagsandurot

ning pamintaha usahay
dag-on lang baya sa katawa
ning dili panag-angay
sa pahiyom na lang ibagaybagay