2015/03/09

ang tigmo sa mga agukoy

ang mga tigmo
sa mga agukoy aron
matubag

nagkalot ka gamit
ang imong duha ka kamot
diha sa balas

sa ilalom sa adlaw samtang
ang hangin
naglagbaslagbas

nakuha mo ang mga
paak nga
hagbay rang andam

sa kilid og sa likod
nakita mo ang tubag

mitutok kanimo ang
mga agukoy
diha sa pagpakalooy

unya ang alimukon nga
mitugdong sa sanga sa
pitogo

miyango, mikapakapa
sa iyang pako
og sa walay panamilit
milupad palayo

Panginhas dire