ang katawa dili man unta
sakit apan
kusog kaayong makatakod
sama usab sa
pangpanghuyab paingon
sa katulugon
ang tutok diha sa usa ka
nagpabuyag sa katilingban
dili man unta sundang
apan kusog kaayong moduslak
diha sa usa ka pagluba
lapos sa baba sa atay sa
imong gikapungtan
ang kaguol dili man unta dagat
apan ngano ba nga kini mora mag
makalumos bisan gani wala man
kini balod unya dili pod kini
tag-iyahan nianang kalalom?
ang duha ka nagkahinigugmaay
nganong mas lisod
pa man kini bantayan kaysa
usa ka gatos nga kabayong
gipriso sa habog nga toril?
og ang tinta dili man unta coca-cola
nganong imo mang giinom?
og sa kataposan
unsa bay sala
sa singkwenta ka langaw nganong imo man
kini silang gipangdakop?
No comments :
Post a Comment
Lami ba?