3/27/2015

ang mga pulong nasugamak na sa kahilom

nahimo nilang
magtiayon pag-abot sa
katigwangon
ang pagpuyo nga
malinawon

ang makita gipiyongan
ang nadungog
gibungolbungolan
ang kamatooran nga
dayag
samas puting buhok
sa tingkoy
gitukoytukoy

sa tunga nilang duha
mao ang kalay-on na
sa ilang mga pangandoy

ang mga wala matuman
gipaligsan
ang mga naambat kaniadto
gidauban

dili na mag-abot ang
mga tudlo
ang mga pulong
nasugamak na
sa kahilom


No comments :

Post a Comment

Lami ba?