3/15/2015

makalolooy nga nilalang

pagkalooy ning nilalang
nga nahikatulog na lang intawon
nga gatapis sa iyang malong

miabot ang kaadlawon
nahigmata nahikatulog pag-usab
pagkamakalolooy gayod ning
maong nilalang nga miwalis
sa sidsid sa iyang malong

giinitan intawon 
nag-alipasa 
giigang
wa kasabot sa iyang
ganggang

miabot na ang  kabuntagon
wa pa maluto gihapon ang balagon

pagkamakalolooy gayod ning
maong nilalang nga wala gayod
matandog

sa usa ka balak

(kini si Lucia ang asawa sa
magbabalak).

No comments :

Post a Comment

Lami ba?