3/16/2015

sa usa ka pukot nga balak?

bag-ong nadiskobre sa usa ka
paypay nga si tirso diay dili noranian
nga mao pod diay nga si edgar dili sab
vilmanian
ang noranian si vilma apan dili
nagpasabot nga ang vilmanian si nora
nabaw-an kini sa usa ka diary sa usa ka bayot
nga reporter nga suod kuno kaayo ni tirso
nga maoy tighatod sa iyang cocacola nga
sponsored sa pepsi. ambot ba morag narambol na man gayod ang tanan
didtong dapita.
si maning di gyod ganahag alom labi na kon naa sa walang dapit sa aping
si bantang di sab ganahag kulongon nga buhok labi ng pakapinan og bangs sa agtang.
ang natulog nga si pedring mao diay ang tinood nga basilio nga anak ni sisa
unya sa sisa mao diay ang nagtakuban nga si maria clara
nga tinood nga anak ni magellan.

sahay makaingon ka nga kon ingon ani ang lakaw sa pamalak
maypag mamasol og isdang tambasakan sa dagat.
makaingon ka nga si felimon mao man dagway ang pinakswerte mananagat sa
tibuok pilipinas.

kon ang panagat usa lamang ka pagtuali sa mga letra
og mga pulong unsa kahay kuha sa usa ka pukot nga balak?

No comments :

Post a Comment

Lami ba?