3/15/2015

busa kanaog diha

ang among sayop mao man god nga
gusto nimo silang lipayon
maong sa paghunahuna nga sila malipay
unta kanimo
nawala ka na hinoon sa imong kaugalingon
daghan na kaayo kag giatiman
unsaon nga sila malipay og imo sang gihunahuna
nga basin dili nimo sila malipay

mora kag usa ka karsada nga natunga
nabulag unya naglisod ug kahibalag didtos unahan
nga unta usa man lang ang atong tumong

nga unta mamaayo sa sakit ang tigulang nga si karya
nga giatake sa iyang hubak nga gibiyaan sa iyang mga anak
nga nagkatibulaag sa lainlaing lugar ning kalibotan

nga unta mabaryan ang utang nilang tatay og nanay
nga nagsiging panganak nga morag ang babaye pagkaabono nga
yuta nga og malakangan bisag kausa lang mangudlot man
dayon ang mga mais

ang sakto unta dili nimo hunahunaon ang imong kaugalingon
dili mo sila paningkamotan nga malipay
kay dili baya kalipay ang imong tumong sa pag-anhi niining dapita

ikaw ang mananambal
ang mananagna
ang tig-ayo sa mga guba
ang tighulip sa mga kakulangon
ang tigtul-id sa nahiwi og nawingig

busa kanaog diha
undangi ang pagpagarpar
dali diri
gasirit ang gripo
palihog tapaki
ayaw kasab-i....

No comments :

Post a Comment

Lami ba?