2015/03/15

kon wa ka pa mamatay na jud kos kamingaw

nagsugod sa hardin
sa tanang kalipay, kaanyag, himaya
mipadayon sa baybayon sa puting balas,
sa preskong hangin, sa ilalom sa talisay
sa bugnaw nga balay

mitabok sa lawod
nabanlas sa isla

usa ka punoan sa lubi
patay nga uwak
usa ka dakong bato
kilid sa pangpang
usa ka langob
nagbanos banos
ang kangitngit og kahayag
ang hulaw og ulan
ang taob og hunasan
ang kulob og hayang
ang tindog og kamang
ang tutok og piyong

kita rang duha
sahay walay tingog-tingog
magpatulog-tulog

kini ang isla sa kaminyoon
kon wa ka pa
mamatay na jud kos kamingaw

Panginhas dire