2015/03/07

kinabuhi, halad

sakto si ignacio,
ang tanang imong gitigom
nga imong nakat-unan, giampingan,
unya nahimong ikaw,
ang imong lawas nga imong
gipalambo,
ang mga nindot nga imong gitago
morag mga bahandi diha
sa kaban
nga imong gilubong og
kinse brazas,

imong balikan, ablihan
iphon pag-usab
aron imong itunol og balik
sa naghatag

ikaw nga nagpabilin
di na makaila kon kinsa ka
bisag unsaon pa nimog
puga ang imong utok
wala nay
makuha

ang naglantaw kanimo
malooy
apan molabay lang
dili gyod motabang

gusto ka nilang hikalimtan
apan sama kanimo aduna sab silay
ilang mga kaban nga bahandi
gitigom
aron lang ihatag og balik

Panginhas dire