3/28/2015

isulat lang ang nindot ipalayo intawon sa kadaot.

ang kaugmaon sa papel
nga wala pa mapusgay
sa imong mga isulat unta
kagahapon
magdepende sa gihimo
nila kanimo karon,

kon unsa man ugaling

modahunog ang mga balod
sa kapungot
mokusog pagkahulog ang
mga ulan

o unsa ba kaha?

ulan init kaha
pista sa langit?

bahata ang angayan
alang kaniya, birhen nga papel
limpyo,
putli,

daghan kaayo, barato, sugdan
lang gayod

sa gamayng respeto.

isulat lang ang nindot
ipalayo intawon sa kadaot.

No comments :

Post a Comment

Lami ba?